ILIGAN CITY- Malampuson nga nasikop sa mga operatiba sa Iligan City Police Station 2 ang usa ka Most Wanted Person nga giila nga lalaki,38 anyos,ug residente sa Purok Mauswagon, Upper Taytay, Barangay Ditucalan sakop ning syudad Ditucalan homan pormal nga gi-serbisyuhan og warrant of arrest pasado alas 11:27 sa gabii niadtong nakalabay nga adlaw.
Atubangon sa dinakpan ang unom ka managlahing kaso nga mao ang LASCIVIOUS CONDUCT ug adunay girekomenda nga pyansa nga P108,000.00 ang matag duha ka kaso niini ug laing pagsupak sa ART 266 sa Revised Penal Code as amended ilalom sa RA 8353 ug walay pyansa nga girekomenda ang korte, samtang laing kaso nga pagpanglugos by Sexual Assault may kalabutan sa section Republic Act 7610 nga adunay girekomendar nga pyansa php108,000.00.
Ang naasoy nga kaso gi-isyu ni Presiding Judge HON. ARASSAD MACARAMPAT MACUMBAL, RTC, Branch 2, 10th Judicial Region, Iligan City pinitsahan niadtong July 25, 2025.
Sa pagkakaron temporaryong gipaslak ang dinakpan sa Iligan City Police Station 2, samtang gi-andam na ang kaso batok sa nahisgutang suspetsado.
Source: Iligan City Police Station 2
