GENERAL SANTOS CITY- Pormal nga gihatagan ug academic scholarship ubos sa Department of Labor and Employment’s (DOLE) Workers Organization Development Program (WODP), ang upat ka dependents sa unyonized private sector workers gikan sa South Cotabato ug General Santos City human sa Memorandum of Agreement (MOA) signing nga gipahigayon niadtong nakalabay nga adlaw, sa Lungsod sa Koronadal.
Ang matag iskolar gikatakda nga makadawat og pondo hangtod sa walo ka semestre sa tertiary nga edukasyon, diin ang DOLE Region XII mokomit ug kinatibuk-ang Php 928,000 alang sa ilang tuition, miscellaneous fees, ug binuwan nga stipend.
Ang WODP-IDR Scholarship Grant, usa ka nag una nga bahin sa Workers Organization Development Program sa DOLE, nga mihatag ug mga oportunidad sa edukasyon sa mga dependent sa mga aktibong miyembro sa unyon, nga naghatag ug gahum kanila nga mahimong epektibong mga kontribyutor sa ilang mga pamilya ug sa ilang mga komunidad.
Sa pagkakaron, ang DOLE 12 adunay 13 ka nagpadayong WODP scholars, agig suporta sa pasalig niini sa malungtarong kalamboan ug inklusibo nga pag-uswag para sa mga mamumuong Pilipino alang sa ilang mga pamilya.
source: DOLE Region XII – Soccsksargen
