𝐁𝐀𝐓𝐀𝐍-𝐎𝐍 𝐍𝐀𝐍𝐆𝐀𝐖𝐀𝐓 𝗢𝐆 𝐉𝐀𝐂𝐊𝐄𝐓 𝐃𝐀𝐊𝐏𝐀𝐍

GENERAL SANTOS CITY- Arestado ang usa ka batan-on human kini nangawat ug jacket sa ukay-ukayan kagahapong adlawa pasado alas 11:40 sa buntag bahin sa Purok Placida Brgy. Calumpang syudad Gensan.

Giila ang biktima nga si Alyas Munico, kinsa tag iya sa ukayan nga residente sa nasampit nga lugar. Samtang ang suspetsado giila nga si Alyas Lloyd, 25 anyos, tambay ug residente sa Purok Crisostomo sakop sa maong barangay.

Base sa imbestigasyon sa kapulisan personal nga dinangat ang biktima sa estasyon aron e report ang nahitabong pagpangawat sa iyang mga baligya. Nasayran nga mukabat sa kapin usa ka libo ang balor sa gikawat nga jacket sa suspek.

Sa pagkakaron nakakustodiya na kini sulod sa Police Station 10 ug gitakda kining pasakaan ug kasong Theft.