ILIGAN CITY- Arestado ang usa ka lalaki human miresopnde ang kapolisan sa Iligan City Police Station 4, sa usa ka tawag gikan sa usa ka babaye sa alas 9:05 sa gabii, niadtong nakalabay’ng adlwa sa Barangay tubod, Iligan City.
Base sa report gikan sa Police Station 4, giila ang complainant nga live-in partner samtang ang susupek giilang 36 anyos, lalaki ug residente sa Purok 1, Camague, Barangay Tubod, syudad sa Iligan.
Dungan sa report nga mipadangat ug sumbong ang complainant tungod ang iyang ka live-in partner nga lalaki nagpahigayon ug pot session sa gituohang shabu sulod mismo sa ilang pinuyanan sa nasangpit nga lugar.
Hinongdang giaresto dayon ang suspek human maaktuhan nga nag pot session diin narekober sa iyang nahimutangan ang (1) pakete sa gituohang shabu, (1) ka aluminum Foil strip, (2) ka aluminum foil tooter ug usa ka disposable lighter. Ang narekober nga druga gibana-banang mo timbang sa 0.07 gramos ug adunaya Standard Drug Price nga Php 476.00
Sa pagkakaron ang arestadong suspek padayong gi kustodiya sa Iligan City Police Station 4, samtang padayong gihikaya ang tukmang disposasyon batok kaniya.
Source: Iligan City Police Station 4
