KIDAPAWAN CITY- Gisuportahan sa lokal nga ehekutibo sa dakbayan sa Kidapawan ang paghatag ug libreng serbisyong medikal, alang sa mga Senior Citizens nga mao gihapon ang nag-unang mga programa nga gipatuman ni City Mayor Atty. Jose Paolo Evangelista nga dako og benepisyo sa mga edaran aron masiguro nga sila adunay himsog nga panglawas ug mahatagan sa hustong serbisyo ubos sa Republic Act 9994 o ang Expanded Senior Citizens Act of 2020.
Base sa report sa Office of the Senior Citizens Affairs sa dihang nahinabi sa Juander news team, gibutyag nga ilang gipahibalo atol sa July 28 Convocation Program sa City Government, ang gidaghanon sa mga Senior Citizens nga nakabenepisyo sa nagkadaiyang programa sa City Government susama sa Medical Consultation and Check Up anaa sa 3,425, Provision of Maintenance Medicine 610 ug Vitamins 759, Eye Care Program , Eye Screening for Cataract and Ptyregium 340, Ear Care Program 95 ug Physical Fitness Program nga 555 ka senior citizens ang nakabenepisyo.
Kapin sa 900 ka mga Senior Citizens gikan sa edad nga 80-99 ug 100 anyos pataas ang nahatagan og cash gifts gikan sa City Government. Adunay 24 ang nahatagan usab og assistive devices samtang 9,440 ang nahatagan og Social Pension.
Sumala sa taho sa OSCA, ang maong numero gikan sa bulan sa Enero hangtod sa bulan sa Hunyo sa 2025.
Source: City Government of Kidapawan
