ILIGAN CITY- Sikop ang lima ka lalaki suspek sa pagpayuhot sa illegal nga drogra atol sa gikasang joint buy-bust operation sa kapulisan ug PDEA niadtong nakalabay nga adlaw sa Purok 23, Sigayan, Barangay Mandulog, Iligan City.
Gipangulohan ni OIC PMAJ Rustariel B. Murillo ang mga intel operatives sa Iligan City Police Office kauban ang mga personahe sa Iligan City Mobile Force Company ug PDEA, nga misikop sa mga suspetado nga parehong anaa sa hingkod nga panuigon ug residente sa Brgy. Mandulog ug Brgy. Kalilangan, Iligan City.
Napalitan ang target suspect sa usa (1) ka gamay’ng heat-sealed transparent plastic sachet nga adunay sulod sa gitouhang shabu. Sa samang operasyon, nadakpan usab ang ubang mga suspek nga nasakpan nga aktong nagpot session sa ilegal nga droga sulod sa usa ka “payag” nga gipanag-iyahan sa target person.
Nasakmit gikan sa target suspek ang mga butang nga gilangkuban sa lima (5) ka rectangular-size nga heat-sealed sachet nga adunay sulod sa gituohang shabu, duha (2) ka dagkong sachet nga wala gisilyo ug adunay traces sa gituohang shabu,tulo (3) ka gagmay’ng sachet nga wala gisilyo ug adunay traces sa gituohang shabu, upat (4) ka improvised aluminum foil tooter, usa (1) ka digital weighing scale, usa (1) ka disposable lighter,usa (1) ka black coin purse,usa (1) ka black belt bag, lima (5) ka tag-P100 pesos buy-bust money, Php 2,950 nga kwarta nga gituohang kita sa druga, usa (1) ka light-colored coin purse ug usa (1) ka gunting.
Gibana-bana nga motimbang ang nakuhang shabu ug 5.0 gramos nga adunay market value nga Php 34,000. Samtang ang mga dinakpan anaa na sa buhatan sa Iligan City Police Station 1, alang sa tukmang lakang.
Source: Iligan City Police Station 1
