Nasikop sa mga otoridad ang 4 ka mga indibidwal sa gikasang buy bust operation didto sa Purok Proper, Barangay Macambol, Mati City, Davao Oriental, pasado alas 10:30 sa gabii niadtong Hulyo 25, 2025.
Ang operasyon gihimo sa mga personahe sa Davao Oriental Provincial Office sa Philippine Drug Enforcement Agency Regional Office 11, Regional Intelligence Unit, kauban ang mga operatiba sa 2nd Davao Oriental Provincial Mobile Force Company, Davao Oriental Police Provincial Office – Drug Enforcement Unit ug Mati City Police Station nga miresulta sa pagkasikiop nila alyas Sally, 48 anyos, alyas Rico, alyas Joseph ug alyas Ruben.
Atol sa operasyon, narekober gikan sa mga dinakpan 6 ka pakete sa gituohang shabu ug gibana banaang murimbang sa 12 gramos, nagkalain-laing drug paraphernalia, lakip na ang marked buy-bust money.
Sa karun ang mga suspek anaa na sa kustodiya sa Mati City Police Station alang sa tukmang disposasyon ug mag atubang sa kasong paglapas sa Republic Act 9165 kun Comprehensive Dangerous Drugs Act of 2002.
Source: PDEA 11
