DIPOLOG CITY- Dakpan sa mga otoridad ang usa ka senior citizen nga giila sa alyas “Juling”, residente sa Barangay Punta, Dakbayan sa Dipolog, human kini masikop didto sa Purok Sari-Sari, New Tambo lungsod, sa Katipunan niadtong nakalabay nga adlaw.
Nakuha gikan sa suspek ang 22 ka ream sa Berlin ug 2 ka ream sa Champion nga sigarilyo nga walay graphic health warnings nga nakalapas sa Republic Act 10643 o Graphic Health Warnings Law.
Gipangulohan sa mga personahe sa Katipunan Municipal Police Station (MPS) ang maong operasyon nga nagresulta sa malampusong pagkasikop sa suspetsado.
Gidala gilayon ang dinakpan sa Katipunan MPS alang sa tukmang disposisyon ug legal nga proseso batok sa iyang kalapasan.
Source: Katipunan MPS
