𝐋𝐀𝐋𝐀𝐊𝐈 𝐏𝐀𝐒𝐋𝐀𝐊 𝐒𝐀 𝐏𝐑𝐈𝐒𝐎𝐇𝐀𝐍 𝐇𝗨𝐌𝐀𝐍 𝐆𝐈𝐒𝐔𝐌𝐁𝐎𝐍𝐆 𝐒𝐀 𝐊𝐀𝐏𝐈𝐓𝐀𝐍 𝐍𝐆𝐀 𝐍𝐀𝐆𝐇𝐈𝐓𝐇𝐈𝐓

ILIGAN CITY- Paslak na sa prisohan sa Police Station 4 sa Iligan City, ang usa ka lalaki nga 32 anyos, residente sa Purok 1, Dama de Noche, Barangay Mahayahay, sakop sa syudad, human gisumbong sa Barangay Kapitan nga naghithit og drogang shabu alas 9:15 sa buntag niadtong nakalabay nga adlaw.

Nasikop ang suspek homan kining girespondihan sa mga operatiba sa Iligan City Police Station 4 ilalom sa pagpangulo ni PCPT Michael Angelo Roldan Officer In-charge tungod sa sumbong sa usaka Kapitan sa lugar nga ang maong nalingaw paghithit og shabu sa ilang pinuy-anan.

PAghidangat sa mga operatiba na-aktohan kining naghithit hinungdan sa iyang pagkasikop, nakuha usab gikan kaniya ang mga managlahing matang sa pakiti sa drogang shabu nga motimbang sa 0.1 gramos ug adunay market value nga 680.00 ka pesos lakip na niinin ang mga non-drug items.

Atubangon sa dinakpan ang kasong pagsupak sa R.A 9165 Comprehensive Dangerous Drugs Act of 2002.

Source:Police Station 4 Iligan City