ILIGAN CITY- Luwas na ang kahimtang sa duha ka lalaki nga gipangdunggab samtang nangdisco pasado ala 1:34 sa kadlawon niadtong nakalabay nga adlaw sa Purok 1, Barangay Luinab sakop sa syudad sa Iligan.
Migawas sa report nga adunay tawag gikan sa usa ka radio scarlet nga nagtaho sa nahitabong incidente ug paghidangat sa mga operatiba sa Iligan City Police Station 1 ilang na aktohan ang duha ka biktima nga naglingkod gawas sa gym sa maong lugar nga adunay mga samad nilubaan sa likod nga bahin sa ilang kalawasan.
Gisaysay sa duha, nga samtang pagawas sila sa maong gym gi-atngan sila sa suspek og giluba sa walay duha-duha ug dali kining misibat sa wala matino nga direksyon human sa insidente.
Sa pagkakaron luwas na ang duha, samtang ang suspek sa pagpangluba nga usa ka lalaki, padayun pang gipangita sa mga otoridad.
Source: Iligan City Police Station 1
