MATI CITY- Naapil sa pagkaugdaw ang usa ka multicab, 4 ka motorsiklo, bao-bao, freezer ug usa ka tindahan nga puno ug grocery human nga mibusikad ang kalayo nga nahitabo didto sa Upper Bilwan 2, Brgy. Central ning dakbayan sa Mati pasado alas 4 sa kadlawon niadtong nakalabay nga adlaw.
Sa pakighinabi sa Juander Radyo Mati Team kang sir Freddy Alicante, nagsugod ang maong sunog sa ilalom nga bahin sa multicab ug daling mikuyanap sa mga motorsiklo ug tindahan.
Nakadawat ug tawag ang kabomberohan alas 4:08 ug nakaabot sa lugar alas 4:13 ug daling napalong ang kalayo. Gideklarang fireout alas 4:30 sa buntag.
Sa karun padayun pa ang imbestigasyon sa maong insidente.
