SURIGAO CITY- Nadakpan ang tulo ka mga High-Value Targets (HVTs) atol sa usa ka buy-bust operation nga gipahigayon sa mga otoridad sa usa ka Travellers Inn sa syudad, sa Purok 7, Barangay San Juan, banda alas 9:50 sa gabii, Hulyo 23, 2025.
Ang maong operasyon gipangulohan sa Philippine Drug Enforcement Agency (PDEA) Regional Office XIII β Surigao del Norte Provincial Office uban sa kooperasyon sa Surigao del Norte Provincial Intelligence Unit ug sa Surigao City Police Station Drug Enforcement Unit.
Nakuha sa mga tinugyanan sa balaod ang gibanabana nga 125 ka gramo sa gituhuang shabu, nga nagkantidad ug P1,875,000 base sa standard drug value.
Ang drug evidence naglakip sa: Usa (1) ka heat-sealed transparent plastic sachet nga adunay gituohang shabu, ug adunay gibug-aton nga 5 gramos nga maoy subject sa buy-bust; Traynta (30) ka heat-sealed transparent plastic sachets nga gituohang shabu;Mga drug paraphernalia ug non-drug evidences.
Gidakop sa maong operasyon ang mosunod nga mga suspek, mao si alyas “Christy” 36 anyos, taga Roundvilla Subdivision, Brgy. Bayanihan, Butuan City; si alyas “Jess” 26 anyos, taga Brgy. Manalo, Monkayo, Davao de Oro; ug alyas “Carl” 31 anyos, taga Brgy. 5, Buenavista, Agusan del Norte.
Ang tulo ka suspetsado mag atubang sa kasong paglapas sa Seksyon 5, 11, ug 12, Artikulo II sa Republic Act 9165 o Comprehensive Dangerous Drug Act of 2002.
