Patay na sa edad nga 76 anyos, ang sikat nga rock star nga si Ozzy Osbourne. Kini ang gikumpirma sa iyang pamilya. Niadtong 2020, gipahibalo ni Osbourne nga siya nadayagnos nga adunay sakit nga Parkinson. Tungod sa iyang sakit, daghang mga konsyerto ug pagpakita sa publiko ang naapektuhan.
Ang banda nagmalampuson sulod sa kapin sa upat ka dekada ingon man sa iyang solo nga karera. Siya usab ang luyo sa Ozzfest sa US diin daghan pang mga sikat nga banda ang nag-perform.
Nakabaligya siya og kapin sa 100 ka milyon nga mga rekord isip solo artist ug kauban ang bandang Black Sabbath. Apil sila sa Rock and Roll Hall of Fame niadtong 2006. Natawo si John Michael Osbourne kaniadtong Disyembre 3, 1948, siya ang kamanghuran sa upat ka mga igsoon gikan sa Birmingham, England.
Ang iyang inahan usa ka trabahante sa pabrika samtang ang iyang amahan nagtrabaho sa gabii ingong usa ka toolmaker. Sa bata pa siya, nainteres siya sa teatro, apan sa dihang nakadungog siya sa banda nga The Beatles nainteres siya sa musika.
Kauban ang gitarista nga si Tony Iommi, bassist nga si Geezer Butler ug drummer nga si Bill Ward, giporma nila ang Black Sabbath kaniadtong 1969. Gipasikat nila ang Heavy metal, lakip ang agresibo nga vocal wails, bass-heavy riffs, demonic subject ug usa ka kinatibuk-ang espiritu sa pagkarebelyoso.
Tungod sa iyang dili maayo nga mga batasan, si Osbourne gikuha gikan sa banda ug nag-inusara. Ang banda nagkita pag-usab niadtong 2006 sa dihang nagpasundayag sila sa Rock and Roll Hall of Fame.
Naminyo siya kang Sharon Arden, ang anak nga babaye sa manedyer sa banda nga si Don Arden. Ang magtiayon naglunsad og OZZfest niadtong 1996, diin ilang gidonar ang bahin sa kita sa show ngadto sa charity.
Sa 1980, nagrekord siya og solo nga album, “The Bizzard of Ozz”. Ang iyang ika-12 nga album, “Ordinary Man” gi-release kaniadtong 2020, diin kini dali nga nakasulod sa mga tsart sa musika.
Sa sayong bahin sa Hulyo, sila adunay usa ka panamilit nga pasundayag uban ang daghang mga sikat nga banda.
ctto:beat-magazine.co.uk
