SURIGAO CITY- Nasikop sa gipahigayon nga buy-bust operation sa kapulisan ang usa ka myembro sa LGBTQ+ community nga giilang street level drug pusher sa Barangay 13, Poblacion, Dapa, Surigao del Norte sa alas 10:20 sa buntag, Hulyo 19, 2025.
Ang operasyon gipangulohan sa Drug Enforcement Unit (DEU) sa Dapa Municipal Police Station (MPS) ubos sa pagpangulo ni PCPT Violeto D. Pepito, Jr., Acting Chief of Police diin malampuson nga nadakpan ang 29-anyos nga lalaki, myembro sa LGBTQ+ community, self-employed, ug residente sa nasangpit nga barangay kini atol sa pagpamaligya sa ginadiling droga ngadto sa usa ka police poseur-buyer.
Gikumpirmar sa kapulisan nga nakuhaan ang suspetsado sa mosunod nga mga ebidensya, Pito (7) ka plastic nga pakete nga adunay sulod nga gituohang shabu, nga adunay gibug-aton nga 1.1543 gramos ug gibanabana nga kantidad nga Php 7,847.00; Php 2,500.00 nga marked money; Usa (1) ka unit nga smart phone; Usa (1) ka digital weighing scale; ug uban pang nga drug paraphernalia
Ang suspetsado, uban sa tanang nakumpiskang ebidensya, anaa na karon sa kustodiya sa kapulisan alang sa pormal nga pagsaka og kaso ug ubang legal nga proseso.
CTTO: DAPA MUNICIPAL POLICE STATION
