DIGOS CITY- Wala na maka-ipsot ang unom ka mga kalalakin-an human masikop atol sa gikasa nga anti-illegal drug buy-bust operation sa Purok Durian, San Miguel, Digos City alas 6:55 sa gabii niadtong nakalabay nga adlaw.
Gipahigayon ang operasyon pinaagi sa PDEA Davao Del Sur Provincial Office, Regional Police Drug Enforcement Unit 11,Digos City Police Station,1104th ug ang RMFB11.
Naila ang mga dinakpan nga sila: Alyas Brader 37 anyos, kinsa mao ang drug den maintainer; Alyas Maynard 24anyos, laborer ug residente sa Sta.Ana,Tres de Mayo; Alyas Rodel 32anyos, walay trabaho ug residente sa Purok Durian,Barangay San Miguel; Alyas Jessie 37 anyos, minyo,usa ka driver ug residente sa Barangay San Miguel, Digos City; Alyas Edilberto 33 anyos, minyo, laborer ug residente sa Barangay Dawis Digos City; Alyas Jerold, 33anyos ug residente sa Purok Mizrak, San Miguel, Digos City.
Naaktohan ang mga nahisgutang dinakpan nga nagpahigayon og pot session sa ginadili nga droga. Mokabat sa gibanabana nga 306.9 grams ang timbang sa nakumpiska nga gituohang shabu diin adunay standard market value nga P2,455,200.00.
Sa kasamtangan gikatakda nga pasakaan ang mga suspetsado og kaso tungod sa paglapas sa RA 9165.
