DIPOLOG CITY- Landig sa balay tambalanan ang mga driver sa duha ka motorsiklo nga nagbangga didto sa National Highway of Barangay Daanglungsod, Katipunan, Zamboanga del Norte, gabie sa Hulyo 15 ning tuiga.
Giila ang driver sa V1 nga Kawasaki Rauser 125 nga si alyas “Sam” 42 anyos, minyo ug residente sa Barangay Dr. Jose Rizal sa maong lungsod. Samtang ang driver sa V2 nga Honda Beat 125 giila nga si alyas “Che” 31 anyos, residente sa Barangay Villaramos, Manukan, ug ang backrider nga si alays “Jen” 26 anyos, nga taga Dohinob, Roxas.
Sumala sa inisyal nga imbestigasyon nga gihimo sa PNP Katipunan, ang V1 nagbyahe gikan sa Barangay Sinuyak, Katipunan ug padulong sa Brgy. Jose Rizal ug paghidangat sa intersection sa may Barangay Daanglungsod, dihang misulay na kini sa pagtabok kalit nga nabanggaan sa nagpadulong nga honda beat nga nagbyahe paingon sa direksyon sa Dipolog City.
Tungod sa impact sa pagbangga, parehong nahagba sa karsada ang duha ka motorsiklo. Ang driver sa V1 ang gituohang anaa ilawom sa impluwensya sa ilimnong makahubog, nakaangkon ug injuries sa nagkdaiyang parte sa kalawasan, hinungdan nga daling gidala sa Zanorte Medical Center. Samtang ang driver ug backrider sa V2, puros nakaangkon ug pangos sa kalawasan nga daling gidala sa Katipunan Rural Health Unit.
Sa karon ang duha ka mga motorsiklo ang temporaryong giimpound sa Katipunan MPS alang sa tukmang disposisyon.
CTTO
