PAGADIAN CITY- Narecover sa mga otoridad ang duha ka unexploded hand grenades sa kadagatang bahin sa Purok Fishing Village, Bgry Poblacion, Tabina, Zamboanga del Sur, kagahapon, Hulyo 14, 2025.
Sa inisyal nga imbestigasyon, napalgan matud pa ang maong mga hand grenades sa local resident nga nailang si alyas “Sonny” samtang naglakaw sa daplin sa dagat hinungdan nga gipahibalo niini ang mga Barangay officials.
Nahidangat usab dayon ang Provincial Explosive and Canine Unit (PECU) Zamboanga del Sur sa maong lugar aron luwas nga makuha kini.
Malampusong na-recover ang duha ka unexploded M61 fragmentation hand grenades nga karon anaa na sa safekeeping.
Dungan niini, gipahinumduman sa kapulisan ang publiko sa pagreport sa bisan unsang kadudahan nga mga butang nga mamatikdan alang sa luwas nga pagtipig.
