Patay na sa edad nga 31 anyos ang South Korean actress nga si Kang Seo Ha, matod sa taho sa Soompi niadtong Lunes. Gikumpirma sa taho nga cancer ang hinungdan sa iyang kamatayon.
Sa usa ka Instagram post, usa ka paryente ni Seo Ha ang mipaambit sa usa ka video compilation sa mga litrato sa aktres, uban ang usa ka emosyonal nga sulat isip tribute sa iyang panumduman.
‘Thank you’ and that it was fortunate that it was this long, but I was really embarrassed,’ caption sa post.
Sumala sa Soompi, ang altar sa memorial ni Seo Ha nahimutang sa Seoul St. Mary’s Hospital, ug ang lubong gitakda sa alas 7:40 sa buntag sa Hulyo 16, sa Haman, Gyeongnam Province.
Nailhan si Kang Seo Ha sa mga salida sama sa “Schoolgirl Detectives,” “Assembly,” “First Love Again,”
“Through the Waves,” “The Flower in Prison,” ug “Heart Surgeon.”
Sa wala pa siya mamatay, nahuman niya ang pelikula nga “Mangnaein,” nga giisip nga iyang katapusan nga proyekto.
