SURIGAO CITY-Patay ang usa ka mag-uuma nga gituhoang nakainom ug nanigbas sa Purok Chairman hinungdan nga iyang gipusil, sa Purok 5, Brgy. Cantapoy, Malimono, Surigao del Norte, niadtong nakalabay nga adlaw.
Naila ang biktima nga mag-uuma sa pangalan nga Ricky Enlasinto Tiempo, 51 anyos, mag-uuma molupdyo sa nasangpit nga lugar.
Ang suspek Sherwin Pagaran Emeliano, 46 anyos , Purok Chairman Brgy. Cantapoy, Malimono, Surigao del Norte.
Sa pakighinabi sa Juander Radyo News Team pinaagi sa mobile phone kang PCAPT Felomino Cruiz Jr., Chief of Police Sa Malimono Municipal Police Station, nga nakainom niadtong tungora ang biktima.
Gibadlong kini sa Purok Chairman nga papaulion niadtong higayona apan dihang nakauli ang biktima, nibalik kini ug nagdala na sa lagaraw ug gitigbas ang Purok Chairman nga naigo sa bukton ug parte sa lawas.
Naabtan na sa kapulisan nga nakabsan na sa kinabuhi ang biktima human kini gipusil sa Purok chairman samtang narekober sa crime scene ang mga bala.
Gipailalom na sa imbestigasyon ang suspek samtang gi-inquest na kini alang sa tukmang disposasyon.
