𝗦𝗘𝗔𝗠𝗔𝗡 𝗣𝗔𝗧𝗔𝗬 𝗛𝗨𝗠𝗔𝗡 𝗠𝗔𝗗𝗜𝗦𝗚𝗥𝗔𝗦𝗬𝗔 𝗦𝗔 𝗞𝗔𝗗𝗔𝗟𝗔𝗡𝗔𝗡

TANDAG CITY- Patay ang usa ka seaman human kini madisgrasya sa kadalanan. Naila ang biktima sa alyas nga “Manuel” 38 anyos, olitawo, nagpuyo sa Purok Gumamela, Barangay Aras-Asan, Lungsod sa Cagwait, Probinsya sa Surigao Del Sur.

Nahitabo ang maong disgrasya sa kadalanan  bandang alas 5:10 sa buntag didto sa Lapaz-Tago Diversion Road, Purok Calamansi, Barangay Purisima, Lungsod sa Tago, Probinsya sa Surigao del Sur.

Base sa inisyal nga pagpanubay, samtang ang maong drayber paingon kini sa Tandag City, Nakita niini ang palwa sa lubi sa dalan hinungdan nga milikay kini og rason nga milahos sa pikas linya sa dalan. Og wala damha nga mibangga kini sa pribadaong sakyanan nga gimanihoan ni alyas “Ritch” 53-anyos, residente sa Tandag City.

Daling mireponde ang Bayabas MDRRMO alang sa paghatag ug pasiunang medikasyon ug daling gidala ang biktima sa dool nga tambalanan, apan gideklara na kining Dead on Arrival sa Attending Physician. Samtang ang patayng lawas sa maong drayber gihaya na sa ilang panimalay.

Sa pagakakaron ang Tago Municipal Police Station nagpahigyon og imbistigasyon labot na sa maong insidente.