TAGUM CITY- Mi-ulbo ang usa ka sunog sa usa ka tindahan daplin sa dalan sa Barangay Tibal-og, Sto. Tomas Davao del Norte niadtong niadtong nakalabay nga adlaw.
Sumala pa pasado alas 5:35 sa buntag nakadawat og report ang Santo Tomas Municipal Police Station, pinaagi sa LGU-based radio nga “Pennylane” kalabot sa sunog sa National Highway sa Purok 2, Feeder road 1, sa nahisgotang Barangay.
Miresponde gilayon ang usa ka patrol team, inubanan sa duty investigator nga gipadala dayon sa lugar aron pamatud-an ang insidente ug maghimo og usa ka ocular inspeksyon.
Sa ilang pag-abot, nakontrolar na sa tag-iya sa tindahan ug nagpakabana nga mga residente ang kalayo. Sa inisyal nga imbestigasyon, nasayran nga ang sunog nag-gikan sa tindahan nga gipanag-iya sa 46-anyos nga si Florenda Anito, adunay kapuyo, nga residente sa Purok 2B, sa samang lugar.
Gikataho nga ang sunog hinungdan sa usa ka wala mabantayi nga nagsiga nga katol nga nagdilaab duol sa kurtina sa giingong panimalay.
Tungod sa paspas nga lihok sa tag-iya ug mga silingang residente, daling nakontrolar ang sunog ug nalikayan ang dugang kadaot.
Ang stall naka-angkon lamang og partial damage, nga gibana-bana nga mokabat sa ₱5,000 ang danyos. Swerte usab nga walay natalang angol sa maong panghitabo.
Samtang Opisyal nga gideklarar nga fireout sa Bureau of Fire Protection ang sunog alas 5:40 sa kaadlawon sa samang adlaw.
