DIPOLOG CITY- Patay ang usa ka Epefanio Pepito Jr. 44 anyos lumulupyo sa Purok Madasigon, Barangay San Isidro, lungsod sa Labangan, Zamboanga Del Sur, human kining nalumos sa usa ka beach resort, sa Lungsod sa Labason probinsya sa Zamboanga Del Norte.
Sumala pa sa MDRRMO Labason samtang naligo ang biktima niadtong Hulyo 11, 2025 wala na makatunga base sa pahayag sa mga nakasaksi sa panghitabo.
Pinaagi sa gipahigayon nga Search And Rescue Operation sa mga personahe sa MDRRMO, PNP, og BFP didto na napalgan ang patayng lawas sa biktima.
Samtang nasayran nga gidala na ang patayng lawas sa biktima usa ka inilang funeral homes sa nahisgotang lugar, og mipaabot usab og pahasubo ang mga ahensya ngadto sa pamilya sa biktima.
