PAGADIAN CITY- Patay nang napalagan ang usa ka 18 anyos nga lalaki sa kilid sa suba sa Purok 5, Barangay Tipange, Dimataling, Zamboanga del Sur.
Ang biktima naila sa alyas nga “Mark” lumulupyo sa Vincenzu Sagun, Zamboanga del Sur, kinsa nakaangkon og samad nilubaan sa walang bahin sa dughan hinungdan sa iyang kamatayon.
Gihimo usab dayon ang post-mortem examination sa Dimataling Rural Health Unit samtang giproseso na sa Zamboanga del Sur Provincial Forensic Unit ang crime scene.
Dungan niini, nanawagan ang kapulisan sa publiko sa pakigkoordinar sa ilang buhatan kon adunay nahibaloan nga impormasyon kalabot niini nga panghitabo aron mahatag ang hustisya ngadto sa pamily sa biktima.
Nagpahigayon na og makuting imbestigasyon ang kapulisan sa Dimataling Municipal Police Station aron maila ang suspetsado ug mahibaluan ang motibo sa nahisgutang kremin.
