Nag-ulan ang social media sa kahinam ug nostalgia human ang kanhi ex-lover nga sila si Robi Domingo ug Gretchen Ho nagkita og balik sa entablado sa usa ka charity concert, nga nahimong estorya dayon sa mga tawo.
Sa “Pagdiriwang ng Pag-asa: The Alay Kapwa Benefit Concert” nga gipahigayon sa Araneta Coliseum, nakita ang duha nga nagkomedya ug malipayong nagtinabangay isip co-host, nga nakapalipay sa ilang fans.
Usa ka TikTok clip nga nakakuha na sa kapin sa 800,000 nga views nagpakita usab sa ilang kataw-anan nga pagbinayloay sa linya.
“Pero kabalo ka, gimingaw ko nimo,” ni Gretchen.
“Gimingaw ka nako?” Mitubag si Robi nga gisundan sa paghugyaw sa audience.
“Ikaw,” tubag ni Gretchen, nga nagtumong sa iyang mga kaubang artista sa maong kalihokan.
Nalingaw ang mga fans sa “RobiChen” duo, nga famous sa dihang sila aduna pay relasyon gikan sa 2012 hangtod sa ilang panagbulag kaniadtong 2017.
“Gimingaw na sab ko nga magkita silang duha,” komento sa usa ka fan
Bisan og dugay na nga natapos ang ilang relasyon ug minyo na si Robi sa iyang non-showbiz partner nga si Maiqui Pineda, daghan gihapon ang nalipay nga makita na usab ang ilang chemistry sa entablado.
