KIDAPAWAN CITY- Mag atubang sa kasong paglapas sa RA 9165 o Comprehensive Dangerous Drugs Act of 2002 ang maglive-in partner, human kining napalitan og ilegal nga droga sa otoridad sa gikasang drug buy-bust operation sa Purok Quezon, Brgy. Rotonda, Koronadal City, niadtong milabayng adlaw.
Giila ang mga suspek nga sila alyas Manny 42-anyos, residente sa Brgy. Kenram, Isulan, Sultan Kudarat ug alyas Joy 45-anyos, ug residente sa Brgy. Rotonda, Koronadal City.
Nakuha sa posisyon sa mga suspek ang duha ka sachet sa gitouhang shabu nga adunay gibug-aton nga 3 gramos og adunay standard drug price nga 20,400 ka pesos.
Narekober usab sa ilang posisyon ang 500 pesos marked money nga gigamit sa nagpaka-aron ingnon nga poseur buyer. Sa pagkakaron, balhog na sa presohan ang mga nahisgutang suspetsado.
