PAGADIAN CITY- Gi-andam na ang kasong Reckless Imprudence Resulting to Multiple Homicide nga ipasaka batok sa Driver sa usa ka Rural Bus nga nadisgrasya sa Purok 4, Mahayahay, Dumingag, Zamboanga del Sur, Hulyo 10, 2025.
Kini ang gibutyag mismo ni PCPT Renato C. Obiaden, Acting Chief of Police sa Dumingag Municipal Police Station atol sa pagkighinabi sa Juander Radyo News Team.
Gisaysay sa Hepe, kasamtangan na karon nga anaa sa ilang kustudiya ang driver nga naila sa pangalang Junry Polestico, 37 anyos, lumulupyo sa Sergio OsmeΓ±a, Zamboanga del Norte human usab kini boluntaryong misurender human sa panghitabo.
Kahinumduman, duha ang dead on the spot human nahulog sa pangpang nga bahin ang rural bus nga gimaneho sa maong driver nga gika-angol usab sa 20 kapin ka mga ROTC students.
Ang maong sakyanan nagbyahe gikan sa Sindangan, Zamboanga del Norte ug paingon unta sa syudad sa Pagadian aron humanon ang nasugdan nang Summer Training Camp sa 9RCDG Kuta Dao, Pagadian City.
Samtang andam usab nga atubangon sa maong Driver ang kaso nga ipasaka sa pamilya ngadto kaniya ug gani mitabang pa siya sa pagpamunlot sa mga studyante nga nanga-angol adiser misurender sa PNP Dumingag.
