𝐁𝐀𝐑𝐀𝐍𝐆𝐀𝐘 𝐊𝐀𝐆𝐀𝐖𝐀𝐃 𝐆𝐈𝐃𝐔𝐍𝐆𝐆𝐀𝐁 𝐒𝐀 𝐍𝐀𝐆𝐖𝐈𝐋𝐃 𝐍𝐆𝐀 𝐒𝐔𝐒𝐏𝐄𝐓𝐒𝐀𝐃𝐎

PAGADIAN CITY- Samad dinunggaban ang naangkon sa usa ka Barangay Kagawad human kini giluba sa usa ka suspetsado nga nahitabo sa Purok 4, Barangay Lourdes, Pagadian City, Hulyo 10, 2025.

Giila ang biktima nga si alyas “Jo” 49 anyos, usa ka Barangay Kagawad, samtang ang suspetsado giila sa alyas nga “Talolot” lalaki, nga parehong residente sa nahisgutang Barangay.

Sa inisyal nga imbestigasyon, samtang nagmaneho ang biktima sa usa ka tri-wheeler Bao-bao sakay ang iyaan sa suspetsado ug niadtong tungura igo lang gibadlong sa biktima ang suspetsado human kini nag wild.

Tungod niini, giduol sa suspetsado ang biktima dayong dunggab igo sa wala matumbok nga parte sa lawas. Gumikan sa dinaliang pagresponde sa ubang mga Barangay Officials ug residente sa maong Barangay dali ra usab nga nadakpan ang suspetsado nga karon nakakustudiya na sa Pagadian City Police Station.

Ang hinagiban nga gigamit sa pagpanunggab giturn-over na sa mirespondeng SWAT team samtang ang biktima gidala sa Zamboanga del Sur Medical Center nga karon anaa na sa luwas nga kahimtang.