Naglusad ang Department of Agriculture (DA) og duha ka adlaw nga forum nga gitumong sa pagdasig sa mga overseas Filipino workers (OFWs) sa Hong Kong ug Macau sa pagsulod sa agribusiness isip reintegration strategy sa ilang pagbalik sa Pilipinas.
Ang “Usapang Agribiz: Forum on Agribusiness Opportunities in the Philippines” gipahigayon niadtong Hunyo 28 sa Macau ug Hunyo 29 sa Hong Kong, nga gitambongan sa kinatibuk-ang 214 ka partisipante (87 sa Macau ug 127 sa Hong Kong).
Kabahin kini sa mas lapad nga adbokasiya ni Presidente Ferdinand Marcos Jr. sa pag-ila sa mga OFWs dili lang isip mga economic contributors kon dili isip mga potensyal nga tigpasiugda alang sa food security ug rural development.
Gipangunahan kini ni DA Assistant Secretary Genevieve Velicaria-Guevarra, diin iyang gipaambit ang suporta sa gobyerno sa mga OFWs nga gustong magsugod ug kaugalingong negosyo sa agrikultura.
Gihisgotan usab sa forum ang mga oportunidad sa kahayupan, high-value crops, training programs, loan and credit facilities, ug crop insurance gikan sa nagkalain-laing branch sa DA sama sa Bureau of Animal Industry, Agricultural Training Institute, ug Agricultural Credit Policy Council.
Matud sa DA, padayon sila nga maghatag sang technical assistance, mentorship,og market access para sa mga interesado nga OFWs.
