Nasikop sa buy-bust operation sa kapulisan ang usa ka lalaki sa Barangay Matim, lungsod sa Olutanga, Zamboanga Sibugay, pasado alas-8:20 sa gabii niadtong Nobyembre 20, 2026.
Ang operasyon gipahigayon sa mga operatiba sa Olutanga Municipal Police Station Drug Enforcement Team o SDET, kauban ang 106th Army, 903rd Regional Mobile Force Battalion 9 ug Zamboanga Sibugay Maritime Police Station.
Narekober gikan sa operasyon ang lima ka gagmayng pakete nga adunay puti nga kristal nga substansiya nga gituohang shabu, nga adunay gibana-banang kinatibuk-ang gibug-aton nga 0.70 gramos ug Standard Drug Price nga nagkantidad ogPhp 4,760.00. Nakuha usab usa ka 500 pesos nga gigamit isip marked money.
Gipahigayon ang pag-imbentaryo sa mga nakumpiskang ebidensya gihimo atubangan sa usa ka barangay kagawad sa Barangay kauban sa representante sa Media.
Gidala na ang nadakpang suspek sa Olutanga Municipal Police Station alang sa dokumentasyon ug pagpasaka sa tukmang kaso sa korte, samtang ang mga nakumpiskang ebidensya gidala sa Zamboanga Sibugay Forensic Unit alang sa eksaminasyon.










