Nakumpiska sa mga personahe sa National Meat Inspection Service (NMIS) Region 9 ang 79.74 kilos nga daot nga karne atol sa ilang gilusad nga meat inspection ug enforcement operation sa syudad sa Pagadian, adlaw’ng Huwebes, Nobyembre 19, 2026.
Kabahin kini sa padayong kampanya sa NMIS-9 aron mapanalipdan ang panglawas sa publiko ug mapalig-on ang pagpatuman sa Republic Act 9296 o Meat Inspection Code of the Philippines.
Alayon niini, giawhag sa NMIS-9 ang mga konsumante nga magmatngon sa pagpalit og karne ug siguruhon nga kini adunay saktong inspeksyon ug opisyal nga inspection mark isip pamatuod nga kini miagi sa angay nga pagsusi.
Gipasiugda usab sa NMIS 9 nga ang maong operasyon kabahin sa ilang paningkamot nga masiguro ang kaluwasan sa pagkaon ug mapanalipdan ang mga konsumante.










