Nadakpan ang usa ka 61-anyos nga lalaki nga giila sa alyas “Tatang” human sa buy-bust operation nga gipahigayon sa kapulisan sa Sitio Tunga, Barangay Matagnao, Abuyog, Leyte niadtong Nobyembre 18, 2026.
Gisuportahan sa Leyte Police Provincial Office ang Special Operations Unit 8 sa PNP Drug Enforcement Group, kauban ang Abuyog Municipal Police Station ug Philippine Drug Enforcement Agency Region 8, sa maong operasyon batok sa ilegal nga droga.
Narekober gikan sa suspek ang walo ka pakete sa gituohang shabu nga may gibug-aton nga mokabat sa 15 gramos ug gibanabanang kantidad nga ₱102,000, lakip ang buy-bust money, National ID ug itom nga pitaka.
Sa pagkakaron, anaa na sa kustodiya sa Abuyog Municipal Police Station ang suspek samtang gipadala sa Regional Forensic Unit 8 ang mga nakumpiskar nga ebidensya alang sa laboratory examination.
Ginaandam na ang tukmang kaso batok sa suspek tungod sa giingong paglapas sa Sections 5 ug 11 sa Republic Act 9165 o Comprehensive Dangerous Drugs Act of 2002, nga may kalabotan sa pagbaligya ug pagpanag-iya sa ilegal nga droga.
Photo courtesy: Abuyog Municipal Police Station










