Nagpagawas og opisyal nga pahayag ang Department of Public Works and Highways (DPWH) Region 8 kalabot sa pagkaguba sa duha ka girder sa tulay nga ginaayo sa lungsod sa Gandara, Samar niadtong nakalabay nga adlaw.
Sa maong pahayag, gimando ni Public Works Secretary Banoy Lopez ang pagpadala og grupo sa mga teknikal nga eksperto aron susihon ang nahitabo ug mahibal-an ang angay nga mga lakang nga himuon kalabot sa proyekto.
Misunod kini sa direktiba ni Presidente Ferdinand Marcos Jr. ngadto sa DPWH nga molihok dayon aron masiguro ang kaluwasan sa mga trabahanteng nalambigit sa proyekto.
Sumala sa kontraktor, walay trabahanteng nasamdan o naangol sa maong insidente. Gipasalig usab niini nga ila rang abagaon ang responsibilidad sa nahitabo ug dili na maggasto ang gobyerno alang sa pag-ilis sa naguba nga mga girder.
Dugang pa sa DPWH, magpatuman kini og bug-at nga silot batok sa kontraktor kon mapamatud-an sa teknikal nga pagsusi nga ang pagkaguba sa mga girder resulta sa depekto sa konstruksyon.










