Nakadaog og lima (5) ka National Awards ang Iligan City atol sa 2026 Association of Tourism Officers of the Philippines (ATOP) Pearl Awards, isip pag-ila sa nagkadaiyang programa ug inisyatibo sa siyudad sa pagpalambo sa turismo ug pagpreserbar sa lokal nga kultura ug kabilin.
Lakip sa gipasidunggan ang mga Higaonon sa Rogongon, Sikyop Agriculture Cooperative, mga mangingisda ug bangkareros, ingon man ang mga restawran ug lokal nga creatives nga nagpadayon sa pagpreserbar ug pagpaila sa tradisyonal nga pagkaon sa syudad.
Ang mga pasidungog naglakip sa Gold, Bronze ug Finalist recognitions, nga giila sa lokal nga panggamhanan isip bunga sa panaghiusa ug paningkamot sa mga komunidad, tourism stakeholders ug mga Iliganon sa pagpalig-on sa turismo sa siyudad.
Gipasalamatan sa LGU-Iligan ang ATOP ug ang host city ang Ormoc City tungod sa maayong pagdawat ug pagdumala sa maong kalihokan.
Photo courtesy: istock










