Gisiguro ni House Speaker Faustino “Bodjie” Dy III nga gitubag sa gipasar sa Kamara nga balaudnong 2027 National Budget nga mokabat sa ₱7.2 trilyon ang mga panginahanglan sa nasud, lakip ang pagpangandam sa posibleng epekto sa Super El Niño.
Matud ni Dy, gibase nila ang pagrepaso sa budget sa mga panginahanglan sa katawhan, gikan sa edukasyon ug panglawas hangtod sa pagpangandam sa mga kalamidad nga may kalabotan sa climate change.
Aron matubag ang posibleng epekto sa Super El Niño sa mga mag-uuma ug mananagat, nitagana ang Kamara og dugang nga ₱10 bilyon alang sa Presidential Assistance to Farmers and Fisherfolk ug ₱500 milyon para sa Expanded Fertilizer Assistance.
Lakip usab sa pondo ang ₱4.09 bilyon alang sa mga proyekto sa irigasyon, ₱150 milyon alang sa imprastraktura sa transportasyon sa mga produktong pang-agrikultura, ug ₱4.96 bilyon alang sa mga farm-to-market road.
Dugang pa, nitagana usab og ₱100 milyon alang sa high-value crops ug ₱331 milyon alang sa Climate Resilient Farm Productivity Support aron matabangan ang sektor sa agrikultura sa pag-atubang sa mga epekto sa kausaban sa klima.
Photo Courtesy: Bloomberg.com
