Ginsusi sang lokal nga panggamhanan sang San Carlos City ang tatlo ka eskwelahan nga pagapuy-an sang mga partisipante kag bisita sa Pintaflores Festival 2026 agud masiguro nga luwas, matinlo kag handa ang mga pasilidad.
Gintuytuyan ni Tourism Operations Officer II Jennifer S. Paran ang inspeksyon sang Oktubre 14 sa Ramon Magsaysay Elementary School, Tandang Sora Elementary School kag Cong. Vicente Gustilo Memorial School.
Gintutukan sang grupo ang suplay sang tubig, sanitasyon, seguridad kag iban pang batakang kinahanglanon. Nag-upod sa inspeksyon ang kapulisan, Bureau of Fire Protection kag nagkalain-lain nga opisina sang ciudad.
Suno kay City Waterworks Department Engr. Jeric Villarino, tutukan sang ila opisina ang kinahanglanon sa tubig sa tion sang festival, samtang ginpasalamatan ni RMES Principal Richard G. Dolocanog ang inspeksyon nga makabulig sa pagpaayo sang pasilidad.
Photo courtesy: San Carlos City, Neg. Occ. -LGU Information Page
