Gipatin-aw ni Rannie Gimeno, PWD Program Head sa City Special Program Management Office o CSPMO Digos, ang mga balaod nga nagpanalipod sa katungod ug kaayohan sa Persons with Disabilities o PWD. Matud ni Gimeno, ang Republic Act 7277 o Magna Carta for Disabled Persons maoy naglatid sa mga katungod ug proteksyon sa mga PWD.
Gipasabot usab niini nga ang maong balaod giusab pinaagi sa Republic Act 9442, nga naghatag og dugang benepisyo ug pribilehiyo. Gipasiugda ang kamahinungdanon sa pagsabot sa maong mga balaod aron masiguro ang patas nga pagtratar ug pagrespeto sa mga PWD.
