Arestado ang usa ka 37-anyos nga lalaki human makuhaan sa armas ug mga bala atol sa pagpatuman sa search warrant sa Purok 4, Barangay Miampic, Godod, Zamboanga del Norte, niadtong nakalabay nga adlaw.
Narekober atol sa operasyon ang usa ka kalibre .38 nga rebolber nga walay serial number, tulo ka buhing bala sa kalibre .38, duha ka basiyo sa bala ug usa ka itom nga sling bag.
Ang pagsikop pinasikad sa gipatumang Search Warrant No. 2026-10-001 nga giisyu sa Regional Trial Court, Branch 28 sa Liloy penitsahan niadtong Oktubre 7, 2026, kalabot sa gituohang paglapas sa Republic Act No. 10591 o Comprehensive Firearms and Ammunition Regulation Act.
Ang operasyon gipangunahan sa Godod Municipal Police Station, kauban ang 2nd Zamboanga del Norte Provincial Mobile Force Company ug 905th Maneuver Company sa RMFB9 nga mi-resulta sa pagkasikop sa maong suspetsado.
Gidala gilayon ang suspetsado sa Godod MPS alang sa dokumentasyon ug tukmang disposisyon, samtang gikatakdang isumite ang mga nakumpiskang ebidensiya sa Liloy Satellite Forensic Unit alang sa ballistic examination.
