Gitunol sa Department of the Interior and Local Government (DILG) kagahapong adlawa, Oktubre 15 ang 45 ka mga motorsiklo ngadto sa Kagamhanan sa Lalawigan sa Sugbo ug sa Dakbayan sa Sugbo alang sa kalambuan sa operasyon sa kapulisan ug pagtubag sa mga emerhensya.
Ang probinsya nakadawat og 30 ka motorsiklo, samtang ang dakbayan nakadawat og 15 atol sa pagbale sa Unified Emergency Response Motorcycles sa hawanan sa Cebu Provincial Capitol.
Gipangulohan ni DILG Secretary Jonvic Remulla ang seremonya, diin nitambong usab si Philippine National Police (PNP) chief Gen. Jose Melencio Nartatez Jr.
Matod ni Remulla, nagkinahanglan ang Sugbo og lig-on nga sistema sa seguridad tungod sa nag-uswag niining industriya sa turismo ug sa kamahinungdanon niini isip nag-unang sentro sa ekonomiya sa Kabisay-an.
Gihisgutan usab niya ang mga reporma ubos sa iyang pagpangulo sa DILG, lakip ang mga paningkamot sa pagbungkag sa mga ilegal nga operasyon ug pagtangtang sa mga opisyal ug kawani nga nalambigit sa mga supak sa balaod nga transaksyon.
Si Cebu Gov. Pamela Baricuatro ang nidawat sa 30 ka motorsiklo alang sa probinsya, samtang si Cebu City Mayor Nestor Archival ang narepresentar sa dakbayan.
Photo Courtesy: File Photo
