Di angayang tamayon ang mga fire trike nga gipang palit sa pipila ka mga lokal nga kagamhanan sa nasud. Kini maoy giluwatang pamahayag ni F/Csupt. Rodolfo Denaga Jr., Regional Director sa Bureau of Fire Potection kon BFP Region 7.
Sigon kang Denaga nga dakong tabang bisan gagmay ang mga fire trike sa higayon nga adunay alarma sa sunog. Gitumbok sa opisyal ang mga barangay nga lisud sudlon sa mga dagkong fire truck diin magamit ang fire trike nga magsilbing penetrator nga daling makasulod sa dapit nga nasunogan.
Gidugang pa sa opisyal nga mas haum usab sa ang mga fire truck nga naka standby sa usa ka barangay nga maoy daling makaresponde. Apan giklaro ni Denaga nga mga dagkong fire truck ang ginapalit sa Bureau of Protection nga maoy anaa sa mga nagkadaiyang fire stations.
Photo Courtesy: Abs Quimma
