Tulo ka indibidwal, lakip ang giingong tigmentinar sa drug den, ang gidakop atol sa buy-bust operation sa Sitio Kabulihan, Barangay Sambag I, Cebu City niadtong nakalabay nga adlaw. Gipahigayon ang operasyon sa Philippine Drug Enforcement Agency Region 7 (PDEA-7) kauban ang Cebu City Police Station 2.
Giila sa PDEA-7 ang mga dinakpan nga sila si alyas Gelo, 29, nga giingong tigmentinar sa drug den; alyas Elimer, 40, construction worker; ug alyas Dexter, 52, delivery helper nga taga-Danao City. Narekober sa mga otoridad ang gibanabanang 10 gramos nga gidudahang shabu nga nagkantidad og ₱68,000, lakip ang mga drug paraphernalia ug uban pang ebidensiya.
Anaa karon sa kustodiya sa PDEA-7 sa Lahug, Cebu City, ang mga suspek ug nag-atubang og mga kasong kalabot sa ilegal nga droga ubos sa Republic Act 9165 o Comprehensive Dangerous Drugs Act of 2002.
Photo Courtesy: PNP Cebu City Police Office
