Nadakpan sa kapulisan ang usa ka babaye nga wanted atol sa gipahigayong law enforcement operation sa Tracker Team sa Ipil Municipal Police Station sa Barangay Buluan, Ipil, Zamboanga Sibugay, alas 11:55 sa gabii niaging adlaw.
Naila ang dinakpang usa ka dalaga, ug residente sa Barangay Magdaup, Ipil. Giatubang niini ang kaso nga paglapas sa Section 12 sa Republic Act 9165 o Comprehensive Dangerous Drugs Act of 2002, pinasikad sa Criminal Case Number 1-8522 nga giisyu sa Presiding Judge sa Regional Trial Court, Ninth Judicial Region, Branch 37, Ipil, niadtong Hunyo 4, 2026.
Girekord usab ang operasyon gamit ang duha ka alternative recording device subay sa gitakdang pamaagi sa kapulisan. Gipahibalo sa mga otoridad ang dinakpan sa iyang mga katungod sa konstitusyon sa pinulongan nga iyang nasabtan. Sa pagkakaron, anaa na siya sa kustodiya sa Ipil Municipal Police Station alang sa dokumentasyon ug hustong disposisyon sa iyang kaso.
