Naluwas sa mga personahe sa PNP Regional Maritime Unit-7 ang usa ka 14 anyos nga estudyanteng babaye nga giilang si alyas ” Joy” nga gikatahong tuyo unta nga molayat sa Marcelo Fernan Bridge. Nakasul-ob pa sa uniporme sa eskwelahan ang Grade 8 nga estudyante dihang nasigpatan sa mga personahe sa maritime police.
Sumala sa report, nadawat ang impormasyon pinaagi sa video call gikan sa Metro Cebu CCTV Monitoring, hinungdan nga gilusad dayon ang rescue operation. Gidala ang estudyante sa buhatan sa maritime unit alang sa medical attention ug counseling.
Sa pagkakaron padayon pa gihapon ang imbestigasyon sa mga kapulisan aron masayran ang tinood nga hinungdan.
Photo Courtesy: wikipedia
