Usa ka 59-anyos nga Amerikanong si “Jonathan” ang gidakop sa hiniusang operasyon sa kapulisan sa Abellana Police Station, Inayawan Police Station ug Women and Children Protection Desk (WCPD) tungod sa giingong human trafficking, ilegal nga pagtanggong ug paglapas sa Republic Act No. 9165.
Upat ka babaye nga nag-edad og 17 hangtod 22 anyos ang naluwas sa usa ka condominium unit sa suspek human sa operasyon sa kapulisan. Nagsugod ang imbestigasyon human mireklamo sa Inayawan Police ang ginikanan sa usa sa mga biktima nga giingong gitanggong sulod sa usa ka lawak sa maong condominium.
Gipadayag sa kapulisan nga napugos silang gub-on ang pultahan nga daghang kandado aron makasulod ug maluwas ang mga babaye. Gikustodiya na ang suspek sa Abellana Police Station samtang giandam ang angay nga mga kaso batok kaniya.
Photo Courtesy: PNP Cebu City Police Office
