Nagpasidaan ang Police Regional Office 13 (PRO-13) sa publiko batok sa mga peke nga solicitation o donasyon o personal nga impormasyon nga naggamit sa ngalan sa mga opisyal ug personnel sa Philippine National Police (PNP).
Giawhag sa kapulisan ang katawhan nga magmatngon ug dili dayon motuo sa mga hangyo nga naggamit sa ngalan sa mga opisyal sa PNP, ilabi na kung wala sila kaila sa maong indibidwal.
Gipahinumdoman usab ang publiko nga ireport dayon sa pinakaduol nga estasyon sa kapulisan o sa Regional Anti-Cybercrime Unit 13 ang bisan unsang kadudahang pagpangayo og kwarta o posibleng pagpangilad.
Gidasig usab ang mga posibleng biktima nga hipusan ang mga ebidensya sama sa screenshot sa mga mensahe, ngalan sa account, contact number ug uban pang impormasyon nga makatabang sa imbestigasyon.
Giawhag sa PRO-13 ang tanan nga magmatngon ug dili dayon motuo sa mga hangyo nga naggamit sa ngalan sa mga opisyal sa gobyerno, ilabi na kon may kalabotan kini sa pagpangayo og kwarta.
