Mikabat sa 1,007 ka loose firearms o mga armas nga walay hustong dokumento ang na-account sa kapulisan sa tibuok Caraga Region atol sa 852 ka operasyon gikan Enero hangtod Oktubre 2026, diin 167 ka indibidwal ang nadakpan.
Sumala sa Police Regional Office-Caraga, sa kinatibuk-ang gidaghanon sa mga armas, 123 ang nasakmit sa mga otoridad, 880 ang boluntaryong gitugyan, ug upat ang narekober.
Matod ni PRO-Caraga Director Brig. Gen. Rolindo Suguilon, gipakusog sa kapulisan ang kampanya batok sa mga loose firearms aron mapugngan ang paggamit niini sa mga kriminal nga kalihokan ug mapalig-on ang kalinaw ug seguridad sa rehiyon.
Samtang, ubos sa Accounting and Disposition of Firearms with Expired Registration (ADFER) campaign, nakapagawas ang kapulisan og 186 ka pahibalo ngadto sa mga tag-iya sa armas nga expired na ang rehistro atol sa Oplan Katok.
Tungod sa maong kampanya, 64 ka armas usab ang gitugyan sa mga otoridad alang sa temporaryong pagtipig samtang naghulat ang mga tag-iya sa pag-renew sa ilang rehistro.
Photo courtesy: PRO13
