Arestao el Most Wanted Person durante el operacion contra Wanted Person del intel operatives del PS-3 Sangali na liderato di PCPT Paul Ramayrat huntu el otro unit del otoridad na Sitio Daap, Barangay Sangali en este ciudad pasada alas 5 del tarde Octubre 15,2026
Con el acusao ya identifica como si Jeremy Labasantos y Faustino,36-anyos hombre y residente des del Sitio Waray-waray, Barangay Bunguiao en este ciudad. Ya aresta con el acusao, por medio na mandamiento de aresto na caso de Murder que ya hace sale el corte del Julio 13,2026 y nohay recomendao pyansa.
Mientrastanto el acusao detenido na carcel del mencionao estacion del Pulis y esperansao hay man turn-over na corte concierne.
