Padayon nga gihatagan og pagtagad sa lokal nga pangagamhanan sa Tagum City ang pagmonitor sa African Swine Fever (ASF) aron mapanalipdan ang industriya sa pag-atiman og baboy ug malikayan ang posibleng pagkaylap sa maong sakit sa mga baboy ning siyudad.
Kabahin sa maong paningkamot ang pagpalig-on sa pagbantay sa kahimtang sa panglawas sa mga baboy, pagpatuman sa angay nga mga lakang sa biosecurity, ug pagdasig sa mga magbababoy nga mosunod sa mga panudlo sa mga otoridad aron malikayan ang pagdala ug pagkaylap sa virus. Sumala pa nga makatakod ang ASF nga sakit nga makaapekto sa mga baboy.
Bisan tuod dili kini makatakod sa tawo, dako ang posibleng epekto niini sa panginabuhian sa mga magbababoy ug sa suplay sa baboy kon dili mapugngan ang pagkaylap.
Gipahinumdoman usab ang mga magbababoy nga magpatuman og hustong kalimpyo sa ilang mga pasilidad, limitahan ang pagsulod sa mga tawo ug sakyanan sa kulungan sa mga baboy, ug malikayan ang pagbalhin-balhin sa mga baboy nga walay tukmang dokumento ug pagtugot gikan sa mga otoridad.
Photo Courtesy: DavNor Network
