Nakadawat og tulo ka dagkong proyekto ang Barangay Igpit, Digos City, gikan sa nasyonal ug lokal nga kagamhanan, nga karon hapit nang makompleto.
Gibutyag ni Kapitan Flaviano Hermoso sa Barangay Igpit, Digos City nga naglakip kini sa duha ka Child Development Center ug usa ka Multipurpose Building nga gitumong sa pagpalambo sa serbisyo alang sa komunidad. Gipasabot ni Kapitan Hermoso nga dakong tabang ang maong mga pasilidad sa paghatag og angay ug luag nga lugar alang sa pagkat-on sa kabataan.
Gipasalamatan usab niini ang nasyonal nga kagamhanan ug ang LGU Digos City, ubos sa pagpanguna ni Mayor Josef Fortich Cagas, sa padayong suporta sa kalamboan sa barangay.
