Nasikop sa kapulisan ang usa ka pedicab driver nga giilang alyas “LOY” atol sa buy-bust operation sa Purok Camantigue, Barangay San Miguel, Digos City, alas 2:45 sa hapon, Oktubre 12, 2026.
Ang suspetsado, residente sa Purok Sebicao sa maong barangay, nadakpan sa hiniusang operasyon nga gipangulohan sa Provincial Drug Enforcement Unit sa Davao del Sur Police Provincial Office, kauban ang Digos City Police Station ug ubang law enforcement units.
Nasakmit gikan sa suspetsado ang upat ka pakete sa gidudahang shabu nga adunay kinatibuk-ang gibug-aton nga 4.67 gramos, nga nagkantidad og 31,756 pesos. Narekober usab ang buy-bust money, pitaka ug cellphone.
Giandam na sa kapulisan ang kasong paglapas sa Sections 5 ug 11 sa Republic Act 9165 batok sa suspetsado.
