Gipangita karon sa pamilya ang 17-anyos nga si Mary Katrice Odias, usa ka Grade 12 student sa Cor Jesu College, human wala na kini makit-i sukad niadtong Biyernes, Oktubre 9, 2026. Base sa pahibalo sa pamilya, ilang gipangayo ang kooperasyon sa publiko aron matultolan ang kasamtangang nahimutangan sa dalagita.
Gireport na usab ang maong insidente ngadto sa mga awtoridad, samtang gitugyan ang mga ngalan sa mga indibidwal nga posibleng adunay impormasyon bahin sa iyang pagkawala.
Giawhag ang bisan kinsa nga adunay kasaligang impormasyon nga makigkoordinar sa kapulisan o mokontak sa numerong 0955-102-1518. Naglaom ang pamilya nga luwas nga makit-an ang maong dalagita.
